უკრაინის საჰაერო ძალების ცნობით, გასულ ღამეს რუსეთის მიერ გაშვებული 98 "შაჰიდის" ტიპის დრონიდან 42 ჩამოაგდეს, 46 უკრაინის სხვადასხვა რეგიონში დაიკარგა, რამდენიმე კი კვლავ ჰაერშია. ასევე, რუსეთმა უკრაინას ექვსი Kh-59/69 მართვადი საჰაერო რაკეტით შეუტია, რომელთაგან 4 ჩამოაგდეს.
გავრცელებული ინფორმაციით, თავდაცვის სისტემა მუშაობდა ოდესის, სუმის, ჩერკასის, კიევის, კიროვოგრადის, ჩერნიჰივის, პოლტავას, მიკოლაევის და ხერსონის რეგიონებში.
უწყების ცნობით, თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები.
