უკრაინაზე რუსეთის თავდასხმებს, გასული დღის განმავლობაში, 3 ადამიანი ემსხვერპლა, დაშავდა 24. ამის შესახებ ინფორმაციას რეგიონული ხელისუფლება ავრცელებს.
ადგილობრივი ხელისუფლების ცნობით, დრონის ნამსხვრევებმა კიევის ოლქში ხანძარი გამოიწვია, ზიანი მიადგა რამდენიმე შენობას.
დონეცკის ოლქში, გუბერნატორ ვადიმ ფალაშკინის განცხადებით, რუსული თავდასხმების შედეგად ივანოფილიაში 2 ადამიანი დაიღუპა, მირნოჰრადში კი 1 ადამიანი დაშავდა. დაზიანებულია ათი სახლი, ორი საცხოვრებელი კორპუსი, სამრეწველო შენობა და ინფრასტრუქტურა.
გუბერნატორ ალექსანდრე პროკუდინის ინფორმაციით, რუსეთის თავდასხმებმა ხერსონის ოლქის 16 სხვადასხვა დასახლებულ პუნქტში, 1 ადამიანი იმსხვერპლა, 10 დაიჭრა, მათ შორის სამი ბავშვი. თავდასხმებმა დააზიანა 14 სახლი, ხუთი საცხოვრებელი კორპუსი, საგანმანათლებლო დაწესებულებები, ბიბლიოთეკა, ეკლესია, ფოსტა და მაღაზიები.
რეგიონის გუბერნატორის სერხი ლისაკის თქმით, რუსულმა ჯარებმა, 2 ნოემბერს, დნიპროსთან ახლოს ინფრასტრუქტურას დაარტყეს, რის შედეგადაც 8 ადამიანი დაშავდა, მათ შორის 2 ბავშვი. დნეპროპეტროვსკის ოლქის სხვა დასახლებებზე რუსული საარტილერიო და უპილოტო დარტყმების შედეგად დაზიანდა სამრეწველო საწარმო, 11 სახლი, სამი ფერმის შენობა, სატვირთო მანქანა, გაზსადენი და ელექტროგადამცემი ხაზები.
გუბერნატორ ვან ფედოროვის ინფორმაციით, რუსულმა ძალებმა მართვადი საჰაერო ბომბი ჩამოაგდეს ფრონტის ხაზის სოფელ პრეობრაჟენკაზე, პოლოჰის მახლობლად, ზაპოროჟიეს ოლქში, რის შედეგადაც დაიჭრა 55 წლის ქალი და 45 წლის კაცი. მისივე თქმით, თავდასხმებმა დააზიანა ექვსი სახლი და ინფრასტრუქტურული ობიექტები.
ხარკოვის ოლქის გუბერნატორი ოლეგ სინიეგუბოვის განცხადებით, 2 ნოემბერს, ნაშუადღევს ვოვჩანსკთან რუსული უპილოტო თვითმფრინავის დარტყმის შედეგად 33 და 60 წლის ორი მშვიდობიანი მოქალაქე დაშავდა. რუსეთის თავდასხმებმა სხვა რეგიონულ დასახლებებზე დააზიანა ფერმა და საგანმანათლებლო დაწესებულება.
ადგილობრივი ხელისუფლების თქმით, 2 ნოემბერს კიევზე რუსული უპილოტო თვითმფრინავის დარტყმამ, რომელმაც 16 სართულიან საცხოვრებელ კორპუსსა და საოფისე შენობაში ხანძარი გამოიწვია, 82 წლის ქალს თავის არეში ჭრილობები მიაყენა.
