"უნდა გადაფასდეს ევროკავშირის ურთიერთობა საქართველოსთან" | გერმანიის საგარეო საქმეთა სამინისტრო
გამოქვეყნდა:
გერმანიის საგარეო საქმეთა სამინისტრო ევროკავშირის საგარეო საქმეთა საბჭოს სხდომის შესახებ გავრცელებულ განცხადებაში წერს, რომ უნდა გადაფასდეს ევროკავშირის ურთიერთობა საქართველოსთან. გერმანიის საგარეო უწყება აღნიშნავს, რომ რამდენიმე თვეა აკვირდებიან, როგორ აქცევს საქართველოს ხელისუფლება ზურგს ევროკავშირის ღირებულებებს.
„რამდენიმე თვის განმავლობაში ვაკვირდებით, როგორ აქცევს ზურგს საქართველოს ხელისუფლება ევროკავშირის ნორმებსა და ღირებულებებს. საერთაშორისო დამკვირვებლებმა დაადასტურეს დარღვევები 26 ოქტომბრის საპარლამენტო არჩევნებში. ჩვენ მოვუწოდებთ ყველა საჩივრისა და ბრალდების სრული და გამჭვირვალე გამოძიებისკენ. ასევე უნდა გადაფასდეს ევროკავშირის ურთიერთობა საქართველოსთან, მათ შორის ევროკავშირის მხარდაჭერის ღონისძიებები საქართველოსთვის გაწევრიანების პროცესის კონტექსტში“, — ნათქვამია განცხადებაში.
ცნობისთვის, ბრიუსელში დღეს ევროკავშირის საგარეო საქმეთა მინისტრების შეხვედრა გაიმართა, სადაც განხილვის ერთ ერთი მთავარი თემა საქართველო იყო. რა გადაწყვეტილება მიიღეს ლიდერებმა, დეტალურად დღის ბოლოს, ჯოზეფ ბორელის ბრიფინგიდან გახდება ცნობილი.
იხილეთ ასევე:
