სარატოვსა და ენგელსზე გვიან ღამით უკრაინული დრონებით მასიური თავდასხმა მოხდა - აცხადებს სარატოვის ოლქის გუბერნატორი რომან ბუსარგინი. რუსული ტელეგრამის არხების ცნობით, თავდასხმის სამიზნე იყო ადგილობრივი ნავთობის საცავი, სადაც თავდასხმის შემდეგ ხანძარიც გაჩნდა. გავრცელდა ხანძრის ამსახველი შესაბამისი ფოტოც. რუსეთის თავდაცვის სამინისტროს მტკიცებით, სარატოვის რეგიონში ჯამში 11 დრონი გაანადგურეს.
