მომდევნო კვირას ტრამპი ზელენსკის შეხვდება, ამ შეხვედრამდე კი ამერიკის პრეზიდენტმა პირდაპირ თქვა, რომ ომის დასრულების სურვილი აქვს. ტრამპის თქმით, ზელენსკისთან ერთად უნდა განიხილოს როგორც უკრაინის უსაფრთხოების გარანტიები, ასევე ამ ქვეყნის მინერალური რესურსებიც.
სატელეფონო საუბარი უკვე შედგა პუტინთან. დეტალები არ საჯაროვდება, თუმცა კრემლის პროპაგანდისტების რიტორიკიდან გამომდინარე, მოსკოვში არ მოსწონთ, რომ ტრამპი არათუ უკრაინის დახმარების შეწყვეტას არ აპირებს, არამედ მზად არის გააორმაგოს რუსეთის წინააღმდეგ სანქციები.
არსებობს მოლოდინი, რომ ტრამპი ჩვეულებისამებრ ორივე მხარეს მკაცრ მოთხოვნას წაუყენებს და მაქსიმალურად ეცდება არ გადააყოლოს მის მიერ დაპირებულ სამშვიდობო შეთანხმებას ამერიკის ინტერესები.
