რუსეთმა ოდესაზე ბოლო ორი დღის განმავლობაში უკვე მეორე იერიში მიიტანა - თავდასხმის შედეგად დაშავდა ერთი ადამიანი. ინფორმაციას ქალაქის მერი, გენადი ტრუხანოვი ავრცელებს.
ადგილობრივი ხელისუფლების ცნობით, ოკუპანტებმა თავდასხმის დროს უპილოტო საფრენი აპარატები გამოიყენეს. იერიშის დროს დაზიანდა ადმინისტრაციული შენობა, კვების ერთ-ერთი ობიექტის სახურავზე გაჩნდა ხანძარი, დაზიანდა გზები და რამდენიმე სახლი.
რაც შეეხება დაშავებულს ის კლინიკაში გადაიყვანეს.
თავდასხმის დროს დაზიანდა ელექტროსადენები, რის გამოც ჯამში, 2-დღიანი იერიშის შედეგად, 89 500 აბონენტი დენის გარეშე დარჩა.
