"ეს არ არის ის კონფლიქტი, რომელიც უკრაინას სურდა, ან მისი პროვოცირება მოახდინა. ეს ომი დაიწყო ერთი მიზეზის გამო - რუსეთის სურვილის, წაშალოს უკრაინის ისტორია და გააფართოოს თავისი იმპერიის ტერიტორია. რუსეთის ფედერაციის ქმედებები სხვა არაფერია, თუ არა პირდაპირი შეტევა" - განაცხადა კანადის პრემიერმინისტრმა ჯასტინ ტრუდომ კიევში მიმდინარე სამიტზე სიტყვით გამოსვლისას.
კანადის პრემიერმა პარტნიორებს მოუწოდა გაზარდონ უკრაინის დახმარება და დაამატა, რომ კიევი მიიღებს დამატებით 25 LAV III ქვეითთა საბრძოლო მანქანას, სადესანტო სისტემებს F-16-ებისთვის და სხვა სახის იარაღს. ტრუდოს თქმითვე, კანადა უკრაინას გაყინული რუსული აქტივებიდან 5 მილიარდ დოლარს გადაურიცხავს.
ტრუდო ევროპელი ლიდერების მსგავსად, უკრაინის დედაქალაქში დღეს დილით ჩავიდა.
პუტინის ომის დაწყებიდან 3 წლისთავთან დაკავშირებით, კიევში უკრაინის მხარდამჭერი სამიტი იმართება, რომელსაც 10-ზე მეტი ევროპული ქვეყნის ლიდერები და ევროკავშირის მაღალი თანამდებობის პირები ესწრებიან.
