უკრაინის პრეზიდენტის ვოლოდიმირ ზელენსკის თვითმფრინავი ლონდონში ჩაფრინდა. უცხოურ მედიაში ვრცელდება უკრაინული თვითმფრინავის ფოტო სტანსტედის აეროპორტიდან
უკრაინის ლიდერი ხვალ ბრიტანეთის პრემიერ-მინისტრის მიერ ორგანიზებულ ევროპელ ლიდერთა სამიტს დაესწრება, რომელიც უკრაინის ომს ეძღვნება. კირ სტარმერმა ზელენსკის და ათ სხვა ევროპელ ლიდერს სთხოვა, 2 მარტს, ლონდონში ჩასულიყვნენ, რათა განიხილონ უსაფრთხოების გარანტიები, რომლებსაც ქვეყნებს შეუძლიათ შესთავაზონ კიევს რუსეთთან კონფლიქტის შესაჩერებლად.
მიწვევა მიიღეს გერმანიის, დანიის, იტალიის, ნიდერლანდების, ნორვეგიის, პოლონეთის, ესპანეთის, თურქეთის, ფინეთის, შვედეთის, ჩეხეთისა და რუმინეთის ლიდერებმა. ასევე მოსალოდნელია ნატოს გენერალური მდივნის მარკ რუტეს და ევროკომისიის და ევროპარლამენტის წევრების ურსულა ფონ დერ ლაიენისა და ანტონიო კოსტეს დასწრება.
The Guardian წერს, რომ სამიტამდე სტარმერი მოლაპარაკებებს გამართავს ზელენსკისთან და იტალიის პრემიერ მინისტრ ჯორჯ მელონთან.
