რუსეთის არმიამ კრივი რიჰზე სარაკეტო იერიში მიიტანა, რის შედეგადაც 4 ადამიანი დაიღუპა, 28 კი დაშავდა. ინფორმაციას ადგილობრივი მედია ავრცელებს.
სამხედრო ადმინისტრაციის ხელმძღვანელი, სერგეი ლისაკი ამბობს, რომ თავდასხმა საღამოს საათებში მოხდა და იერიშის შედეგად სამოქალაქო ინფრასტრუქტურა დაზიანდა.
კერძოდ, დაზიანდა 5-სართულიანი სასტუმრო, ადგილზე გაჩნდა ხანძარი. მაშველებმა მოქალაქეების ნანგრევებიდან გამოყვანის პროცედურა მალევე დაიწყეს და ყველა დაშავებული კლინიკაში გადაიყვანეს. მათი მდგომარეობა მძიმეა. დაშავებულებს შორის მცირეწლოვანი ბავშვია.
