უკრაინის პრეზიდენტი ვოლოდიმირ ზელენსკი ევროპული საბჭოს სამიტის ფარგლებში საფრანგეთის პრეზიდენტ ემანუელ მაკრონს შეხვდა.
შეხვედრაზე მათ ბოლოდროინდელი ვითარება და სამომავლო გეგმები განიხილეს.
მანამდე ვოლოდიმირ ზელენსკი ბელგიის პრემიერმინისტრ ბარტ დე უივერს შეხვდა. მათ შეხვედრაზე მშვიდობის გეგმა, თავდაცვის საჭიროებებსა და უკრაინის ევროკავშირში გაწევრიანებაზე ისაუბრეს.
"ბრიუსელში ბელგიის პრემიერმინისტრ ბარტ დე უივერს შევხვდი. მადლობა გადავუხადე მთავრობას და ყველა ბელგიელს მხარდაჭერისთვის, განსაკუთრებით F-16-ის მოიერიშე თვითმფრინავების გადაცემის გადაწყვეტილების გამო. ჩვენ ვაფასებთ ამ მტკიცე ნაბიჯებს უკრაინელების სიცოცხლის დასაცავად.
მე ვაცნობე პრემიერს სამართლიანი მშვიდობის დაახლოების ევროპული გეგმის მომზადების შესახებ და მოვიწვიე გეგმის შემუშავებაში მონაწილეობის მისაღებად. ჩვენი მოლაპარაკებების დროს, ჩვენ განსაკუთრებული ყურადღება გავამახვილეთ თავდაცვის საჭიროებებზე, პირველ რიგში, საარტილერიო სისტემებისა და საბრძოლო მასალის მიწოდებაზე, ასევე ინვესტიციებზე უკრაინის შიდა დისტანციური თვითმფრინავების და რაკეტების წარმოებაში. ამ სისტემებმა უკვე დაამტკიცა თავისი ეფექტურობა ფრონტის ხაზზე და ჩვენ ერთად უნდა ვიმუშაოთ ამ უპირატესობის გასაძლიერებლად. ჩვენ ასევე განვიხილეთ უკრაინის ევროკავშირში ინტეგრაცია.
მადლობელი ვარ ბელგიის უკრაინისადმი ურყევი მხარდაჭერისთვის," - წერს სოციალურ ქსელში ზელენსკი.
