"დიდი შვიდეულის" წევრი სახელმწიფოების საგარეო საქმეთა მინისტრებმა უკრაინის მხარდამჭერი ერთობლივი დეკლარაცია მიიღეს. დეკლარაციას ხელი აშშ-ის, კანადის, გერმანიის, საფრანგეთის, იტალიის, იაპონიის და დიდი ბრიტანეთის საგარეო მინისტრებმა მოაწერეს ხელი, ასევე ევროკავშირის უმაღლესმა წარმომადგენელმაც საგარეო პოლიტიკისა და უსაფრთხოების საკითხებში. G7-ის საგარეო საქმეთა მინისტრების ერთობლივ განცხადებას აშშ-ის სახელმწიფო დეპარტამენტი ავრცელებს.
კერძოდ, დეკლარაციის თანახმად, G7-ის წევრებმა კიდევ ერთხელ დაადასტურეს ურყევი მხარდაჭერა უკრაინისადმი მისი ტერიტორიული მთლიანობისა და არსებობის უფლების დაცვაში, ასევე მისი თავისუფლების, სუვერენიტეტისა და დამოუკიდებლობის დაცვაში. ისინი მიესალმნენ მიმდინარე ძალისხმევას ცეცხლის შეწყვეტის მისაღწევად, განსაკუთრებით კი 11 მარტს, საუდის არაბეთში, აშშ-სა და უკრაინას შორის გამართულ შეხვედრას.
"G7-ის წევრებმა მოუწოდეს რუსეთს სათანადო რეაგირება მოახდინოს თანაბარი პირობებით ცეცხლის შეწყვეტაზე თანხმობითა და მისი სრული განხორციელებით. მათ განიხილეს რუსეთისთვის დამატებითი ხარჯების დაკისრება იმ შემთხვევაში, თუ ასეთი ცეცხლის შეწყვეტა არ იქნება შეთანხმებული, მათ შორის შემდგომი სანქციების, ნავთობის ფასების ლიმიტის, ასევე უკრაინის დამატებითი მხარდაჭერისა და სხვა საშუალებების მეშვეობით. ეს მოიცავს რუსული სუვერენული აქტივებიდან შემოსავლების გამოყენებას.
G7-ის წევრებმა ხაზგასმით აღნიშნეს ცეცხლის შეწყვეტის პირობებში ნდობის აღდგენის ზომების მნიშვნელობა, მათ შორის სამხედრო ტყვეებისა და დაკავებულების გათავისუფლება - როგორც სამხედრო ასევე სამოქალაქო პირები - და უკრაინელი ბავშვების დაბრუნება. მათ ხაზგასმით აღნიშნეს, რომ ნებისმიერი ცეცხლის შეწყვეტა დაცული უნდა იყოს და ხაზგასმით აღნიშნეს უსაფრთხოების ძლიერი და სანდო მექანიზმების საჭიროება, რათა უკრაინამ შეძლოს აგრესიის ნებისმიერი განახლებული აქტის შეკავება და დაცვა. მათ განაცხადეს, რომ გააგრძელებენ ეკონომიკური და ჰუმანიტარული დახმარების კოორდინაციას უკრაინის აღდგენის ხელშეწყობისთვის...
მათ შეშფოთება გამოთქვეს ომის გავლენის შესახებ, განსაკუთრებით მშვიდობიან მოსახლეობასა და სამოქალაქო ინფრასტრუქტურაზე. მათ განიხილეს ანგარიშვალდებულების მნიშვნელობა და კიდევ ერთხელ დაადასტურეს თავიანთი ვალდებულება, ერთად იმუშაონ გრძელვადიანი მშვიდობის მისაღწევად და უზრუნველყონ, რომ უკრაინა დარჩეს დემოკრატიული, თავისუფალი, ძლიერი და აყვავებული", - ნათქვამია განცხადებაში.
