უკრაინის რადამ მხარი დაუჭირა აშშ-სა და უკრაინას შორის მინერალების შესახებ შეთანხმების რატიფიკაციას. შეთანხმების რატიფიკაციას 338-მა დეპუტატმა მისცა ხმა.
კანონპროექტის განმარტებით ბარათში ნათქვამია, რომ შეთანხმების რატიფიცირება შექმნის სამართლებრივ საფუძველს უკრაინისა და აშშ-ის მთავრობებს შორის ამერიკულ-უკრაინული საინვესტიციო აღდგენის ფონდის შექმნის შესახებ შეთანხმების განხორციელებისთვის.
პირველმა ვიცე-პრემიერმა და ეკონომიკის მინისტრმა იულია სვირიდენკომ თავის გამოსვლაში ხაზგასმით აღნიშნა, რომ შეთანხმება უკრაინის კონსტიტუციურ პრინციპებს ითვალისწინებს.
1-ელ მაისს შეერთებულმა შტატებმა და უკრაინამ ხელი მოაწერეს შეთანხმებას უკრაინის აღდგენის საინვესტიციო ფონდის შექმნის შესახებ, რაც უკრაინის ბუნებრივ რესურსებზე ერთობლივ წვდომას ითვალისწინებს.
პირველი ვიცე-პრემიერის - ეკონომიკის მინისტრის იულია სვირიდენკოს თქმით, ეს ფონდიუკრაინაში გლობალურ ინვესტიციებს მოიზიდავს. ფონდი 50/50 პროპორციით იქმნება და არცერთ მხარეს არ ექნება გადამწყვეტი ხმის უფლება.
