ჩვენთან ერთად მოიპოვეთ თავისუფლება!
ოფიციალური ბაქოს პირველი განცხადება კარტოგრაფების სკანდალურ საქმეზე-აზრებაიჯანის ელჩის მრჩეველი ამბობს რომ დაწყებული გამოძიება საქართველოს შიდა იურიდიული საქმეა და აზერბაიჯანი ვერ ჩაერევა.
რაც შეეხება დავითგარეჯის სადაო ტერიტორიებს, დიპლომატიურ წარმომადგენლობაში აცხადებენ რომ ყველა კითხვას, რომლიც ამ საკითხის გარეშემო არსებობს, ოფიციალურმა ბაქომ თბილისში, აზერბაიჯანისა და საქართველოს საგარეო საქმეთა მინისტრების შეხვედრაზე უპასუხა და პოზიციაც გამოხტა.
კარტოგრაფის ინტერესების დამცველი მატროსოვის ციხეში შევიდა. ადვოკატები კიდევ ერთხელ განმარტავენ რომ მელაშვილისა და ილოჩოვას დაკავების საფუძველი არ არსებობდა და საქმეში არანაირი კონკრეტული მტკიცებულება მათ წინააღმდეგ არ არსებობს.
აზერბაიჯანული მხარე თავს ვალდებულად არ თვლის სხვა ქვეყნის ტერიტორიაზე მიმდინარე სამართლებრივ პროცესზე რაიმე კომენტარი გააკეთოს, ეს არაკორექტული იქნება - ამბობს ელდარ ბაირამოვი საქართველოში აზერბაიჯანის ელჩის მრჩეველი
ქართულ ოცნებაში კი ახალი ნარატივი აქვთ. მათი აზრით, წინა ხელისუფლებამ სამშობლოს ღალატის მუხლი დავითგარეჯის საქმის გამო გააუქმა:
როდესაც 300 ზე მეტი ჰექტარი საქართველოს საუარესოდ შეთანხმდა, აქედან 1 თვეში, საქართველოს პარლამენტმა 2007 წელს გააუქმა სახელმწიფო ღალატის მუხლი - ამბობს მამუკა მდინარაძე
ივერი მელაშვილს დღეს მატროსოვის ციხეში მისი უფლებადამცველები საქმის მასალებს გააცნობენ.
დღეს ვეცადეთ მასთან მოგვეტანა საქმის მასალების ნაწილი, მათ შორის რუკები. აქ არსებობს ერთგვარი ბარიერი რუკების შეტანასთან დაკავშირებით, მაგრამ ვეცდებით ადმინისტრაციასთან ეს საკითხი გავარკვიოთ და ამავდროულად, შეიძლება დადგეს საჭიროება, მასთან პირისპირ შეხვედრის საშუალება მოგვეცეს და არა გამყოფი მინით. სხვა შემთხვევაში ვერ მოხდება მის მიერ მითითება რუკებზე და გაგვიჭირდება სამუშაო პროცესი - ამბობს გიორგი მშვენიერაძე
ივერი მელაშვილი და ნატალია ილიჩოვა წინასწარ პატიმრობაში იმყოფებიან. თბილისის საქალაქო სასამართლომ მათ აღკვეთის ღონისძიება 8 ოქტომბერს შეუფარდა
ავტორი: ნინო ღვედაშვილი
