უკრაინის ყოფილი პრეზიდენტი, პეტრო პოროშენკო, კორონავირუსისგან განიკურნა. ინფორმაციას ადგილობრივი ახალი ამბების სააგენტო, UNIAN ავრცელებს.
პოროშენკომ უკრაინელ ექიმებს მადლობა საჯარაოდ გადაუხადა.
ჩვენი ექიმები უკრაინის ნამდვილი მცველები არიან, ისინი განუწყვეტლივ, კვირაში 7 დღე თავდაუზოგავად მუშაობენ, მათ მე კვირა-ნახევარში მომარჩინეს, - თქვა პეტრო პოროშენკომ.
შეგახსენებთ, რომ პეტრო პოროშენკოს COVID-19 2 ოქტომბერს დაუდასტურდა. მკურნალობის საწყის ეტაპზე მისი ჯანმრთელობის მდგომარეობა კრიტიკულად მძიმე იყო - ორმხრივი პნევმონია და მაღალი ტემპერატურა ჰქონდა.
