როგორ აფასებს მოსახლეობა ხელისუფლების მიერ პანდემიის დროს მიღებულ ზომებს
გამოქვეყნდა:
"მთავარი არხის" დაკვეთით ჩატარებული IPSOS-ის ახალი კვლევით გამოკითხული მოსახლეობა პანდემიის პირობებში ხელისულფების მიერ მიღებულ ზომებს აფასებს. კითხვები ეკონომიკისა და ჯანდაცვის სფეროს შეეხო.
IPSOS-ის კვლევის მიხედვით, გამოკითხულთა 52% ფიქრობს, რომ მთავრობა კორონავირუსის პანდემიას ვერ გაუმკლავდა, რაც შეეხება დანარჩენ სფეროებს:
კითხვაზე:
1. როგორი იყო ჯანდაცვის მიმართულებით მიღებული ზომები კორონას პანდემიის პირობებში?
გამოკითხულთა 28% ფიქრობს, რომ კარგი, 46%-ის აზრით, კი ცუდი.
2. როგორი იყო ეკონომიკის მიმართულებით მიღებული ზომები კორონას პანდემიის პირობებში?
გამოკითხულთა 67% ამბობს, რომ ცუდი, 15% კი კარგი.
შეგახსენებთ, 4 ოქტომბერს გამოქვეყნებულ IPSOS-ის კვლევაში, კითხვაზე - როგორი იყო ეკონომიკის მიმართულებით მიღებული ზომები კორონას პანდემიის პირობებში? - 45% ამბობდა რომ ძალიან ცუდი.
"მთავარი არხის" დაკვეთით, IPSOS-მა კვლევა 8 - 15 ოქტომბრის ჩათვლით პერიოდში ჩაატარა. საქართველოს მასშტაბით სულ 1500 რესპონდენტი გამოიკითხა. ცდომილების ფარგლები კი +-2,5%-ია.
კანონით გათვალისწინებული ინფორმაცია გამოქვეყნებულია ჩვენს ვებსაიტზე mtavari.tv, სექტორში "არჩევნები 2020".
