ჩვენთან ერთად მოიპოვეთ თავისუფლება!
შინაგან საქმეთა სამინისტროს განცხადებით, თავისუფლების მოედანზე "ერთიანი ნაციონალური მოძრაობის" აქციის გამო, თბილისის გარკევულ უბნებში ავტოტრანსპორტის მოძრაობა შეზღუდულია.
მოძრაობა სრულად აიკრძალა თავისუფლების მოედანზე. ალტერნატიული მარშრუტები შემდეგია:
"ბარათაშვილის ხიდიდან მომავალი სატრანსპორტო საშუალებების ნაკადი მოძრაობს იუსტიციის სახლის მიმართულებით. დიდი ზომის ტრანსპორტისთვის გადაადგილება აიკრძალა ვახტანგ გორგასლის მოედანზე. მსუბუქი ავტომანქანები კი მოძრაობენ კოტე აფხაზის ქუჩაზე და ვერცხლის ქუჩის გავლით ბარათაშვილის ქუჩაზე გადიან; ლადო ასათიანის ქუჩიდან მომავალი სატრანსპორტო ნაკადი ვერ მოხვდება შალვა დადიანის ქუჩაზე. შესაბამისად, ავტომანქანები მოძრაობენ ოვანეს თუმანიანის ქუჩის გავლით, ვახტანგ გორგასლის მოედნის მიმართულებით; მერაბ კოსტავას ქუჩაზე მოძრავი ავტომანქანები ბრუნდებიან ყოფილი ფოსტის შენობასთან და გადაადგილებას აგრძელებენ ელბაქიძის ქუჩის მიმართულებით", - წერია უწყების განცხადებაში.
დღესვე აქციასთან დაკავშირებით, 17:00 საათიდან მოძრაობა იკრძალება:
- რესპუბლიკის მოედანზე, შესაბამისად, პეტრე მელიქიშვილის ქუჩიდან მოძრაობა შესაძლებელი იქნება მერაბ კოსტავას ქუჩის და ელბაქიძის დაღმართის გავლით, მტკვრის ორივე სანაპიროსა და ჩუღურეთის მიმართულებით;
- რუსთაველის გამზირსა და მასზე გამომავალ ყველა ქუჩაზე: ალექსანდრე ჭავჭავაძის, მიტროფანე ლაღიძის, ბესიკის, 9 აპრილის, ზაქარია ჭიჭინაძის, ლესია უკრაინკას, მესხიას, რევაზ ლაღიძის, ვასო აბაშიძის, გია ჭანტურიას, არჩილ ჯორჯაძის და ანტონ ფურცელაძის ქუჩებზე;
უწყების განცხადებით, აკრძალვის პერიოდში ავტომანქანებს თავისუფლად გადაადგილება შეეძლებათ ორივე სანაპიროზე, ვასილ პეტრიაშვილის, თამარ ჭოველიძის და დანიელ ჭონქაძის ქუჩებზე.
მოძრაობა აქციის დასრულების შემდეგ ჩვეულ რეჟიმში აღდგება.
"არა ბიძინა ივანიშვილს" - დღეს "ნაციონალური მოძრაობა-გაერთიანებული ოპოზიცია" თბილისში, 18:00 საათზე შემაჯამებელ აქციას მართავს.
ახალგაზრდების პროტესტი | მთავარის საგანგებო ეთერი
უყურეთ ბოლო გამოშვებას
