არჩევნების დასრულებამდე 6 საათით ადრე კალაძე ამბობს, რომ დიდი უპირატესობით ლიდერობენ
გამოქვეყნდა:
"ქართული ოცნების" გენერალური მდივნის, კახი კალაძის მტკიცებით, წინასწარი მონაცემებით "ქართული ოცნება" არჩევნებში დიდი უპირატესობით ლიდერობს. ამ თემაზე მან კომენტარი სპეციალურ ბრიფინგზე გააკეთა.
"წინასწარი მონაცემებით, ქართული ოცნება მიმდინარე არჩევნებში დიდი უპირატესობით ლიდერობს და საღამოს ყველა ერთად ვიზეიმებთ დიდ გამარჯვებას. მოვუწოდებ ყველა ჩვენ მხარდამჭერს, ვისაც ხმა ჯერ არ მიუცია, მივიდნენ საარჩევნო უბნებზე", - თქვა კახი კალაძემ.
ცოტა ხნის წინ მან ასევე გაავრცელა ინფორმაცია, რომ ენმ-ს მაჟორიტარობის კანდიდატის, გიორგი ბოტკოველის ორგანიზებით ყარაჯალაში ზონდერ ჯგუფების მობილიზება ხდება. ბოტკოველმა აღნიშნულ ინფორმაციას სასაცილო უწოდა და ბრალდება უარჰყო.
