საქართველოს პრემიერმინისტრი ტელეფონით სომხეთის პრემიერმინისტრს ესაუბრა. ინფორმაციას საქართველოს მთავრობა ავრცელებს.საუბრის თემა - ყარაბაღის კონფლიქტის დასრულება იყო:
მხარეებმა მიმოიხილეს მთიანი ყარაბაღის რეგიონის გარშემო არსებული ვითარება, აღნიშნეს ცეცხლის შეწყვეტის სრულმასშტაბიანი შეთანხმების მიღწევის მნიშვნელობა და იმედი გამოხატეს მისი იმპლემენტაციის პროცესში პოზიტიური დინამიკის შენარჩუნებაზე.
პრემიერ-მინისტრებმა ხაზი გაუსვეს სამხრეთ კავკასიაში კონფლიქტების მშვიდობიანი გზით მოგვარების მნიშვნელობას რეგიონის ქვეყნების სტაბილურობისა და განვითარებისთვის - აცხადებენ საქართველოს მთავრობაში.
გიორგი გახარია ტელეფონით დღეს, აზერბაიჯანის პრეზიდენტსაც ესაუბრა.
