როცა წერ, რომ 2+2=9, ეს ადამიანური ფაქტორი კი არა, უვიცობა ან მავნებლობაა - ხათუნა გოგორიშვილი

ხათუნა გოგორიშვილი ამბობს, ოლქების შემაჯამებელი ოქმები შეიძლება გასაჩივრდეს სასამართლოში, მას კი აინტერესებდა, რატომ არ ელოდება ცესკო სასამართლო ვადებს. ამასთან დაკავშირებით ხათუნა გოგორიშვილმა "ცესკოს" თავმჯდომარისგან პასუხი ვერ მიიღო. 

"ცესკოს" თავმჯდომარემ და სხდომის მონაწილეებმა მისი გაძევებაც გადაწყვიტეს. 

ხათუნა გოგორიშვილის თქმით, პროპორციულ ნაწილში ყოველ მესამე ოქმს, მაჟორიტარულში კი - ყოველ მეორე ოქმს შესწორების ოქმი დასჭირდა. ამასთან, 2 000-ზე მეტი უბნის ოქმში იყო დაფიქსირდა დისბალანსი. 

"არჩევნებიდან 3 დღის მერე, რომ წავიდნენ საუბნო კომისიის წევრები სახლში, დაიძინეს, დაისვენეს, გაახსენდათ, რომ რომელიღაცა პარტიას ნაცვლად რიცხვისა "9" უნდა ეწეროს "318". თურმე, მომსვლელი 500 კი არ ყოფილა, 700 ყოფილა. ოღონდ, ეს ყველაფერი 2 დღის მერე გაახსენდათ", - ამბობს გოგორიშვილი. 

ასევე, მისი თქმით, საარჩევნო ადმინისტრაცია არაპროფესიონალებითაა დაკომპლექტებული.

"როცა 2-ს რომ 2-ს მიუმატებ და 9-ს წერ, ეს ადამიანური ფაქტორი არ არის. ეს არის ან უვიცობა, ან მავნებლობა", - თქვა გოგორიშვილმა.

შეგახსენებთ, რომ "ცესკო"-ში შემაჯამებელი სხდომა დაიწყო, სადაც ბოლოჯერ განიხილავენ საჩივრებს. ოპოზიცია 30-ვე ოლქის შემაჯამებელ ოქმს ასაჩივრებს.

სხდომის პარალელურად, პროტესტი დაიწყო ცესკო-ს შენობასთანაც, სადაც სამოქალაქო აქტივისტების იკრიბებიან. მათ მოლოდინი აქვთ, რომ თამარ ჟვანია დღეს ბიძნა ივანიშვილს მიტაცებულ არჩევნებს საბოლოოდ გაუფორმებს და ხელს მაწერს იმ შედეგებს, რაც ოლიგარქს სურს.

ცნობისთვის, ჯამში ცესკომ საოლქო საარჩევნო კომისიებში შესული 1 027 საჩივარი არ განიხილა