თუ ოპოზიცია დაეთანხმება მოწოდებებს და შევა პარლამენტში, ეს გაყალბების ლეგიტიმაცია არ იქნება? - გიორგი მარგველაშვილი
გამოქვეყნდა:
ჩვენთან ერთად მოიპოვეთ თავისუფლება!
საქართველოს მეოთხე პრეზიდენტი, გიორგი მარგველაშვილი, Twitter-ზე წერს, რომ ოპოზიციის პარლამენტი შესვლა გაყალბებულ არჩევნების ლეგიტიმაცია იქნება.
"ოპოზიცია ამტკიცებს და დამკვირვებლები ადასტურებენ, რომ არჩევნები გაყალბდა. თუ ოპოზიცია დაეთანხმება მოწოდებებს და შევა პარლამენტში, ეს გაყალბების ლეგიტიმაცია არ იქნება?", - წერს მარგველაშვილი.
შეგახსენებთ - დღეს აშშ-ის ელჩის რეზიდენციაში ოპოზიციის ლიდერებთან ინდივიდუალური შეხვედრები გაიმართა.
ხელისუფლების ოპონენტების კომენტარები შეხვედრის დასრულების შემდეგ ასეთია:
- ხელახალი არჩევნების გარდა, ნებისმიერი სხვა მცდელობა უშედეგოა - მამუკა ხაზარაძე;
- თუ ახალი არჩევნები არ დაინიშნება, ისევ ჟურნალისტიკაში დავბრუნდები - ირმა ინაშვილი;
- ჩვენი პოზიციაა, რომ პარლამენტი არ უნდა შედგეს - ნათელაშვილი აშშ-ს ელჩთან შეხვედრის შემდეგ;
- კრიზისიდან გამოსავალს ხედავენ იმაში, რომ რამდენიმე დეპუტატი მუქარით თუ მოსყიდვით პარლამენტში შეიტყუონ - ბაქრაძე.
- ჯერჯერობით ვართ იქ, სადაც ვიყავით - გრიგოლ ვაშაძე ელჩებთან შეხვედრის შემდეგ
- ხელისუფლება დგამს ნაბიჯებს ოპოზიციისკენ - ალეკო ელისაშვილი
