ჩერდება სათხილამურო ტრასები და საბაგიროები - ახალი შეზღუდვები ზამთრის კურორტებზე
გამოქვეყნდა:
მთავრობის მიერ დაწესებული ახალი შეზღუდვების მიხედვით, წელს ქვეყანაში ზამთრის კურორტები შეზღუდვებით იმუშავებენ. მთავრობის გადაწყვეტილებით, სათხილამურო კურორტები - ბაკურიანში, გუდაურში, გოდერძსა და მესტიაში დამატებით წესდება შემდეგი შეზღუდვები:
- სასტუმროების მუშაობა დასაშვებია მხოლოდ საკარანტინო სივრცეების მოსაწყობად;
- ასევე, ჩერდება სათხილამურო ტრასებისა და სათხილამურო საბაგიროების ფუნქციონირება.
გარდა ამისა, კურორტებსა და 8 დიდ ქალაქში იზღუდება მუნიციპალური ტრანსპორტის მუშაობა, იკრძალება ღია და დახურული ბაზრობების მუშაობა, მუშაობას შეაჩერებენ ბაღებიც, სკოლები კი მთლიანად დისტანციურ რეჟიმზე გადავლენ.
დიდ ქალაქებში - ქ. თბილისში, ქ. ბათუმში, ქ. ქუთაისში, ქ. რუსთავში, ქ. გორში, ქ. ფოთში, ქ. ზუგდიდში, ქ.თელავში - და სათხილამურო კურორტები - ბაკურიანში, გუდაურში, გოდერძსა და მესტიაში დამატებით წესდება შემდეგი შეზღუდვები:
- ქ. თბილისის, ქ. თელავის, ქ. ბათუმის, ქ. ქუთაისის, ქ. რუსთავის, ქ. გორის, ქ. ფოთის, ქ. ზუგდიდის საზღვრებში მუნიციპალური ტრანსპორტის მუშაობა;
- სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქის, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობენ მხოლოდ დისტანციურ რეჟიმში;
- ღია და დახურული ბაზრობები არ მუშაობენ. ფუნქციონირებას აგრძელებენ აგრარული ბაზრები;
- სკოლები, პროფსასწავლებლები და უმაღლესი საგანმანათლებლო დაწესებულებები (გარდა სამედიცინო საგანმანათლებლო პროგრამებისა) სრულად გადადიან დისტანციურ რეჟიმზე;
- კერძო და საჯარო საბავშვო ბაღები აჩერებენ მუშაობას.
ნახეთ შეზღუდვების სია სრულად:
28 ნომებრიდან ქვეყანაში ახალი შეზღუდვები ამოქმედდება - ნახეთ სია სრულად
