მარკ ცუკერბერგი, მისივე დაფუძნებულ ფეისბუქზე, წერს, რომ ფეისბუქის გუნდის გადაწყვეტილებით, აშშ–ის მოქმედ პრეზიდენტს დონალდ ტრამპს ფეისბუქის და ინსტაგრამის ანგარიშები დაებლოკება სულ ცოტა 2 კვირით.
"პრეზიდენტისთვის ფეისბუქის გამოყენების უფლების გაგრძელება სარისკოა, მისი ფეისბუქის და ინსტაგრამის ანგარიშებს ვბლოკავთ, სულ ცოტა ორი კვირით ან ქვეყანაში ძალაუფლების მშვიდობიან გადაბარებამდე, არ დავუშვებთ ჩვენი პლატფორმის, დემოკრატიულად არჩეული მთავრობის წინააღმდეგ ძალადობაში, გამოყენებას" , – წერს ცუკერბერგი ფეისბუქზე.
აშშ–ში კაპიტოლიუმში ტრამპის მხარდამჭერების შეჭრას, ცუკერბერგი შოკისმომგვრელ მოვლენას უწოდებს და ამბობს, რომ ტრამპი ხელისუფლების მშვიდობიანად გადაბარების წინააღმდეგ, ყველაფერს აკეთებს.
ასევე,ფეისბუქის გადაწყვეტილებით დონალდ ტრამპის გუშინდელი პოსტებიც წაიშალა. ცუკერბერგის თქმით, ტრამპის პოსტები, აშშ–ში კაპიტოლიუმში თავდამსხმელებს უჭერდა მხარს.
Facebook-დან წაშლილია პრეზიდენტ ტრამპის ვიდეო მიმართვა, დაბლოკილია ტვიტებიც
ცუკერბერგის პოსტი:
აშშ-ის მოვლენები თანმიმდევრობით:
- დონალდ ტრამპის მხარდამჭერები კაპიტოლიუმში შეიჭრნენ - არეულობა აშშ-ში
- კაპიტოლიუმი დღეს - ფოტოებში
- ჩვენ მოგვპარეს არჩევნები, მაგრამ ახლა ყველა უნდა წავიდეთ სახლში - ტრამპის მიმართვა მხარდამჭერებს
- ამერიკული დემოკრატია უპრეცედენტო შეტევის ქვეშაა - ბაიდენი
- კონგრესმა ამერიკის არჩევნებში ჯო ბაიდენის გამარჯვება ოფიციალურად გააფორმა
-
ადამ კინზინგერი დონალდ ტრამპის იძულებით გადაყენებაზე ინიციატივით გამოდის.
