ამერიკის მოქმედი პრეზიდენტის, დონალდ ტრამპის არხი YouTube-მაც დაბლოკა. კომპანიის გადაწყვეტილება სულ მცირე ერთი კვირით და პოტენციურად უფრო მეტ ხანს გასტანს. ამის შესახებ კომპანიამ სამშაბათს საღამოს განაცხადა.
CNN Business–ს კომპანიის წარომადგენლებმა განუცხადეს, რომ ტრამპის ვიდეო ახალისებდა ძალადობას, ამიტომ ის წაშალეს. YouTube-მა უარი თქვა იმ ვიდეოს დეტალების გაზიარებაზე, რამაც ტრამპის არხის დაბლოკვა გამოიწვია, მაგრამ თქვა, რომ ერთი კვირის შემდეგ ისინი გადახედავენ გადაწყვეტილებას.
გარდა ამისა, YouTube-მა ასევე წაშალა თეთრი სახლის არხის კონტენტი, რომელიც არღვევდა მათ პოლიტიკას ძალადობის შესახებ.
"ფრთხილად განხილვის შემდეგ და ძალადობის მიმდინარე პოტენციალთან დაკავშირებით შეშფოთების ფონზე, ჩვენ წაშალეთ დონალდ ჯ. ტრამპის არხზე ატვირთული ახალი ვიდეო და გაფიცვა გამოვაცხადეთ ძალადობის წახალისებ ჩვენი პოლიტიკის დარღვევის გამო”, - თქვა YouTube- ის სპიკერმა.
YouTube-მა ასევე განაცხადა, რომ ის გადადგამს დამატებით ნაბიჯს, რომ გაუქმდეს კომენტარები ტრამპის არხზე განთავსებული ვიდეოების ქვეშ.
აქამდ YouTube რჩებოდა ერთადერთ ძირითად სოციალურ მედიად, სადაც ტრამპის ანგარიშები დაბლოკილი არ იყო. შეგახსენებთ, რომ Twitter-მა ტრამპის არხი სამუდამოდ დაბლოკა.
