კორონავირუსით 2 მილიონზე მეტი გარდაიცვალა - მონაცემები WHO-ს სექტემბრის პროგნოზს ემთხვევა
გამოქვეყნდა:
მსოფლიოში კორონავირუსით გარდაცვლილთა საერთო რაოდენობამ 2 მილიონს გადააჭარბა - მონაცემებს worldometers.info ავრცელებს.
27 სექტემბერს კი მსოფლიო ჯანდაცვის ორგანიზაციამ გაავრცელა ინფორმაცია, რომ დაღუპული ინფიცირებულების რაოდენობა 2 მილიონს მიაღწევდა, რასაც ჯანმო "სამწუხარო, მაგრამ მოსალოდნელ რეალობად" აფასებდა.
5 ქვეყანა, სადაც ყველაზე მეტი კოვიდინფიცირებული გარდაიცვალა:
- აშშ - 401 856
- ბრაზილი - 208 291
- ინდოეთი - 152 130
- მექსიკა - 139 022
- გაერთიანებული სამეფო - 87 295
თუ მონაცემებს მილიონ მოსახლეზე გარდაცვლილთა რაოდენობით დავითვლით, ამ მხრივ საქართველო 39-ე ადგილზეა, სადაც ჯამში 2 893 ადამიანი დაიღუპა, მილიონიდან - 726.
აქვე გეტყვით, რომ მსოფლიოში COVID-19-ით თითქმის 95 მილიონი ადამიანი დაინფიცირდა, 67 346 640 პაციენტი კი გამოჯანმრთელდა.
