ჩვენთან ერთად მოიპოვეთ თავისუფლება!
რა თქვა სტრასბურგის სასამართლომ 2008 წლის აგვისტოს ომის საქმეზე - "ახალგაზრდა იურისტთა ასოციაცია" სტრასბურგის სასამართლოს გადაწყვეტილებას განმარტავს:
2008 წლის 12 აგვისტოდან, საომარი მოქმედებების შეწყვეტის შემდეგ (ოკუპაციის ფაზა) მომხდარ მოვლენებზე რუსეთის ფედერაცია ახორციელებდა ეფექტიან კონტროლს სამხრეთ ოსეთსა და აფხაზეთის ტერიტორიებზე. ამ პერიოდში უფლებების დარღვევა წარმოადგენდა ადმინისტრაციულ პრაქტიკას.
სამოქალაქო და სამხედრო ტყვების მიმართ განხორციელდა წამება, არაადამიანური და დამამცირებელი მოპყრობა
დაირღვა საქართველოს მოქალაქეთა საკუთრების უფლება და მიმოსვლის თავისუფლება
რუსეთმა 2008 წლის აგვისტოს ომის დროს მომხდარ სიცოცხლის უფლების დარღვევებზე არ ჩაატარა ეფექტიანი გამოძიება - აცხადებენ საიაში.
შეგახსენებთ, რომ სტრასბურგის სასამართლომ დააკმაყოფილა საქართველოს სარჩელის დიდი ნაწილი 2008 წლის აგვისტოს ომის საქმეზე.
ამავე თემაზე იუსტიციის მინისტრის განცხადებები:
- აგვისტოს ომისას ზიანის ანაზღაურების საკითხზე პოზიციების წარსადგენად ვადა 1 წელია
- სასამართლომ დაადგინა, რომ რუსეთმა განახორციელა ქართველების ეთნიკური წმენდა- ლორთქიფანიძე
