"შემოულაწუნეს ამ წერილით, უთხრეს, რომ ყველაფერი არ მოსულა" - ოპოზიცია ევროპარლამენტარების გზავნილზე
გამოქვეყნდა:
ხელისუფლების ოპონენტების თქმით, ევროპარლამენტარების წერილი კიდევ ერთი გაფრთხილებაა სტრატეგიული პარტნიორებისგან, რომ ის, რაც მიღებულია "ოცნებისთვის", მიუღებელია ცივილიზებული სამყაროსთვის.
- "ეს იყო უმკაცრესი გაფრთხილება, რომლის მსგავსიც ბოლო 8 წლის განმავლობაში არ მახსენდება. მორალურ ფსკერზე მყოფმა "ოცნების" წევრმა ძალადობისკენ მოუწოდა დამოუკიდებელი მედიის მიმართ, რაც მიუღებელია", - ამბობს "ენმ"-ის წევრი, ნონა მამულაშვილი.
- "ევროპარლამენტმა ადგილი მიუჩინა თეა წულუკიანს და "ქართულ ოცნებას", მკაცრად უთხრა, რომ არსებობს წითელი ზღვარი, რომლის გადაკვეთაც არ შეიძლება. ფაქტობრივად, შემოულაწუნეს ამ წერილით, უთხრეს, რომ ყველაფერი არ მოსულა", - ამბობს სერგო ჩიხლაძე.
შეგახსენებთ, რომ ევროპარლამენტერების წერილის მიხედვით - რომელიც არჩილ თაკვააძეს გამოუგზავნეს - "უსიამოვნო და არაეთიკურია, როდესაც პირადი ცხოვრების ფუნდამენტური უფლება გაუფრთხილებლად ირღვევა".
ევროდეპუტატები თეა წულუკიანის მხრიდან, ნიკა გვარამიას პირადი ტელეფონის ნომრის გასაჯაროებასთან დაკავშირებით, საქართველო პარლამენტის თავმჯდომარეს ფუნქციებს ახსენებენ და ერთობლივ წერილში წერენ, რომ პარლამენტის თავმჯდომარის მანდატი მოითხოვს, სხდომათა დარბაზში "სუფევდეს წესიერების მაღალი ხარისხი".
ამავე თემაზე:
