12 დაწესებულება შევამოწმეთ, 9 Pfizer-ის ვაქცინის შესანახ მოთხოვნებს აკმაყოფილებს - გაბუნია
გამოქვეყნდა:
ჯანდაცვის მინისტრის მოადგილის, თამარ გაბუნიას განცხადებით, ქვეყანაში Pfizer-ის ვაქცინით ვაქცინაციისთვის 12 დაწესებულება შემოწმდა და აქედან ცხრამ მოთხოვნები დააკმაყოფილა.
"რეგულირების სააგენტომ 12 დაწესებულება შეაფასა და აქედან 9 დაწესებულება აკმაყოფილებს იმ მოთხოვნებს, რომ რომელიც დადგენილია Pfizer-ის ვაქცინით ვაქცინაციისთვის, ამ კვირაში უკვე დაიწყება ტრენინგი ამ დაწესებულებებში. დაწესებულებების შერჩევის პროცესი გრძელდება, რადგან ჩვენი მიზანია დაახლოებით 15-მდე დაწესებულება გვქონდეს იდეტიფიცირებული", - თქვა თამარ გაბუნიამ.
მთავრობა ამბობს, რომ თებერვლის ბოლოს ქვეყანაში Pfizer-ის ვაქცინის 29 250 დოზა შემოვა. პირველი დოზებით ჯანდაცვის სფეროს მუშაკები აიცრებიან. ცნობილია, რომ Pfizer-ის ვაქცინა -70-80 გრადუსზე ინახება.
შეგახსენებთ, რომ ამ თემაზე ოპოზიცია ამბობს, რომ მთავრობა უმოქმედოა, რადგან ვაქცინაცია არა მარტო განვითარებულ არამედ განვითარებად ქვეყნებშიც უკვე დაწყებულია.
