გიორგი შაქარაშვილის განზრახ ჯგუფურად მკვლელობის საქმეზე 3 ბრალდებულს 16-წლიანი პატიმრობა მიესაჯა.
განაჩენი, მოსამართლე, ბიძინა სტურუამ ცოტა ხნის წინ გამოაცხადა.
16 წელით თავისუფლების აღკვეთა შეეფარდა არჩილ გაგნიძეს, ნიკოლოზ რევაზიშვილსა და ვახტანგ ჩიქოვანს.
რაც შეეხება, 2 არასრულწლოვანს - ზ.ხ-ს და ა.ქ.-ს, სასამართლომ ისინიც დამნაშავედ სცნო. მათი სასჯელის ზომა 16 მარტს გამოცხადდება.
განაჩენის გამოცხადებას დარბაზში ესწრებოდნენ გიორგი შაქარაშვილის დედა და ოჯახის წევრები. ასევე ბრალდებულების ოხაჯის წევრები.
შეგახსენებთ, საქმის არსებითი განხილვა 2 მარტს დასრულდა. მოსამართლე სათათბიროდ გავიდა, თუმცა განაჩენი არ გამოუცხადებია. 2 მარტს, სხდომაზე, მხარეებმა რეპლიკის უფლებით ისარგებლეს. საბოლოო სიტყვა წარმოთქვეს ბრალდებულებმა.
