ჩვენთან ერთად მოიპოვეთ თავისუფლება!
გვიან ღამით ბათუმში, აღმაშენებლის ქუჩაზე "ნაციონალური მოძრაობის" ოფისს ისევ თავს დაესხნენ. დარბეულია ოფისი, ჩამსხვრეულია შუშები. თავდამსხმელების ვინაობა ამ დროისთვის დადგენილი არაა. ოფისის მიმდებარედ არაერთი ობიექტია, თუმცა შსს-ს ჯერ ვიდეო ჩანაწერები არ ამოუღია.
"თუ ადრე წელიწადში ორჯერ, სამჯერ ახორციელებდნენ ჩვენ ოფისებზე თავდასხმას, ახლა უბრალოდ ტემპმა მოიმატა და სამ თვეში მე-3 თავდასხმაა, ორჯერ ქვა ესროლეს და გახსოვს ალაბათ, ცოტა ხნის წინ რწმუნებულები და საჯარო მოხელეები მოგვივარდნენ, ეს არის "ქართული ოცნების" შედეგი", - თქვა ენმ-ს რეგიონალური ოფისის თავმჯდომარემ, გიორგი კირთაძემ.
პარტიაში მომხდარს პირდაპირ "ქართულ ოცნებასთან" აკავშირებენ.
შინაგან საქმეთა სამინისტრომ მომხდარზე გამოძიება სისხლის სამართლის კოდექსისი 187-ე მუხლით დაიწყო.
