რა შეზღუდვები დააწესა და გაახანგრძლივა საკოორდინაციო საბჭომ - სრულად
გამოქვეყნდა:
დღეს, 31 აგვისტოს, უწყებათაშორისმა საკოორდინაციო საბჭომ ახალი შეზღუდვები დააწესა და უკვე არსებული რეგულაციების მოქმედების ვადა გაახანგრძლივა. უფრო კონკრეტულად:
- საზოგადოებრივი ტრანსპორტის მუშაობა 4 სექტემბერს არ აღდება და შეზღუდვა 13 სექტემბრამდე იმოქმედებს;
- სკოლებში, უნივერსიტეტებსა და პროფესიულ სასწავლებლებში სასწავლო პროცესი 15 სექტემბერს დისტანციურად განახლდება და ასე გაგრძელდება 4 ოქტომბრამდე.
განათლების მინისტრის განმარტებით, 4 ოქტომბრის შემდეგ, სწავლა საკლასო ოთახებსა და აუდიტორიებში იმ ქალაქებსა და სოფლებში აღდგება, სადაც ინფიცირების მაჩვენებელი 4%-ზე დაბალი იქნება. გარდა ამისა, მშობლებს ამ შემთხვევაშიც ექნებათ საშუალება სურვილის შემთხვევაში ბავშვი დისტანციურ რეჟიმზე დატოვონ.
საკოორდინაციო საბჭოს გადაწყვეტილებით:
საკოორდინაციო საბჭო მოქალაქეებს კიდევ ერთხელ მოუწოდებს, აქტიურად გამოიყენონ პირბადე, როგორც ღია, ისევე დახურულ სივრცეში, დაიცვან სოციალური დისტანცია და აქტიურად ჩაერთონ ვაქცინაციის პროცესში.
ცნობისთვის, ბოლო 24 საათის განმავლობაში, საქართველოში კორონავირუსის 4 778 ახალი შემთხვევა დადასტურდა, გარდაიცვალა კიდევ 79 ადამიანი. დღე-ღამის განმავლობაში ქვეყანაში ვირუსისგან 4 753 ადამიანი გამოჯანმრთელდა.
