"ერთადერთი, რასაც მამუკა მდინარაძის სიტყვები გვაჩვენებს, არის ის, რომ ის არის აბსოლუტურად ინტელექტუალურად და მორალურად იმპოტენტი" - ასე გამოეხმაურა "მთავარი არხის" ჟურნალისტი ბექა ყორშია მმართველი გუნდის ერთ-ერთ ლიდერს, რომელმაც თქვა, რომ ქარელში, "ოცნების" ოფისის მეორე სართულიდან არხის ოპერატორი ლევან აბლოთია "თავად გადმოვარდა".
"სრულიად წარმოუდგენელია რაც ამ ადამიანმა ილაპარაკა, ეს ადამიანის ნათქვამი არაა. ეს არის რაღაც ევოლუციის პირველ და ყველაზე განუვითარებელ ეტაპზე გაჩხერილი ბაბუინი, რომელსაც აზრი არ მოეკითხება", - თქვა ბექა ყორშიამ.
მანვე აღნიშნა, რომ ოპერატორი ლევან აბლოთია სიმაღლიდან მმართველი გუნდის წარმომადგენლებმა გამოაგდეს, მანამდე კი კამერა გაუთიშეს.
"მეც ველოდები როდის გაავრცელებენ ვიდეოს, იმიტომ, რომ ჩვენს ეს ვიდეო ბოლომდე არ გვაქვს. არ დამავიწყდება ის კადრი, როგორც ცდილობდა ქართული ოცნების აქტივისტი კაბელის გამორთვას კამერიდან, რომ ის რაც შემდეგ მოხდებოდა არ აღბეჭდილიყო კადრებში. იმედია, რომელიმე კამერამ დააფიქსირა ის, რაც რეალურად მოხდა. მართლა გადმოაგდეს ლევან აბლოთია მეორე სართულის მოაჯირიდან, წავიდა თავით და უმძიმესი კამერით ხელში დაენარცხა კიბის დასაწყისში,სრული ჯოჯოხეთი იყო", - თქვა ყორშიამ.
ლევან აბლოთიას და ბექა ყორშიას დაზარალებულის სტატუსი ამ დრომდე არ აქვთ მინიჭებული. ყორშია ამბობს, რომ საქმეზე ობიექტური გამოძიების იმედი არ აქვს.
იხილეთ ასევე:
- კადრები, რომლის გადაღებაც ლევან აბლოთიამ აივნიდან გადმოგდებამდე მოასწრო | თავდასხმა "მთავარი არხის" გადამღებ ჯგუფზე
- ქართულმა ოცნებამ სასწრაფოს ბრიგადას არ აცნობა ქუჩის მისამართი, სადაც მთავარი არხის დაშავებული ოპერატორი იმყოფებოდა
- "მენჯ-ბარძაყის მოტეხილობა აქვს, ნეკნებთან და ხელთან დაკავშირებით ამ ტექნიკით არაფერი ჩანს" | ნიკა გვარამიამ "მთავარი არხის" დაშავებული ოპერატორი კლინიკაში მოინახულა
- რამდენიმე წამი გაითიშა... ზურგს ვერ ვგრძნობ, ხელს და ფეხს ვერ ვამოძრავებო... ჯოჯოხეთი გამოვიარეთ - ბექა ყორშია
- ქარელში, "მთავარი არხის" ოპერატორი "ოცნების" ოფისის მეორე სართულიდან გადმოაგდეს
