მე ასე გავიგე რიშის განცხადება, რომ იმედგაცრუებულია ოპოზიციის შედეგებით - თალაკვაძე
გამოქვეყნდა:
"ქართული ოცნების" ერთ-ერთი ლიდერი არჩლ თალაკვაძე ამბობს, რომ სენატორ ჯიმ რიშის განცხადებაში "ოპოზიციის კრიტიკა ამოიკითხა".
მისი თქმით, განცხადებიდან ჩანს, რომ სენატორი ოპოზიციის შედეგებითაა იმედგაცრუებული.
"მე უფრო ასე გავიგე ეს განცხადება, რომ ბატონი რიში იმედგაცრუებულია ოპოზიციის მიერ მიღებული შედეგებით, ვინადაიან ამ არჩევნებში, მართლაც, როგორც საარჩევნო კანონმდებლობის თვალსაზრისით, ისე საარჩევნო გარემოს გათვალისწინებით ოპოზიციას ნამდვილად ჰქონდა შესაძლებლობა, რომ კონკურენტულ რეჟიმში მიეღო მეტი მხარდაჭერა", - თქვა არჩილ თალაკვაძემ.
ამერიკელმა სენატორმა, ჯიმ რიშმა განაცხადა, რომ არჩევნებით "იმედგაცრუებულია და ის წარმოუდგენლად დრამატული იყო". სენატორი შეშფოთებულია ამომრჩეველთა დაშინებისა და მოსყიდვის შესახებ გავრცელებული ცნობებით.
