დამკვირვებელმა ხელი დამარტყა, ნუ მიღებო - ზუგდიდის 26-ე უბანზე ხმაურია
გამოქვეყნდა:
"ნაციონალური მოძრაობის" ინფორმაციით, ზუგდიდის 26-ე უბანზე "კარუსელის" მცდელობას ჰქონდა ადგილი. როგორც მერობის კანდიდატის, ანზორ მელიას პრესსამსახურის წარმომადგენელმა, ნენე დალაქიშვილმა აღნიშნა, იმ დროს, როდესაც ფაქტს იღებდა, ერთ-ერთი დამკვირვებელი დაუპირისპირდა და ხელი დაარტყა.
"კარუსელის დატრიალების მცდელობა იყო, დავიწყე ამის გადაღება და მივეცი შენიშვნა, შუაში იდგნენ კომისიის წევრები. ხელი მკრა, დამარტყა ხელი ნუ მიღებო, არ მოეწონა ის, რომ ვიღებდი ბოდიში და როგორ "აკაჩავებდა", უფლებამოსილი პირი იყო "ქართული ოცნების" ერთ-ერთი ენჯეოს წარმომადგენელი. ჩვენ დამკვირვებელზე იყო გაბრაზებული რატომ გაგვაგებინა ჩვენ რომ უბანზე მცდელობა იყო კარუსელის", - თქვა ნენე დალაქიშვილმა.
ადგილზე მყოფი პირები ჟურნალისტების მიმართაც აგრესიულად არიან განწყობილები. უბანზე გამოიძახეს პოლიციაც.
"რატომ გინდა მაინც და მაინც ამდენი აჟიოტაჟი. კომისიის თავმჯდომარეს ხელს რატომ უშლი?", - უთხრა პოლიციელმა ნენე დალაქიშვილს, რომელიც სამართლებრივ რეაგირებას ითხოვდა.
ოპოზიცია ამბობს, რომ უბნებიდან მათი დამკვირვებლების გაძევებას მიზანმიმართულად ცდილობენ.
