"ამ პირობებში მათი ქმედებები მიუთითებს იმაზე, რომ მათ აქვთ რეალურად მიხეილ სააკაშვილის მოკვლის განზრახვა", - ამის შესახებ გლდანის ციხესთან, საქართველოს მესამე პრეზიდენტის, მიხეილ სააკაშვილის ადვოკატი დიტო საძაგლიშვილი საუბრობს.
ბოლო რამდენიმე დღეა, ჩვენ ყოფელთვის ხაზს ვუსვამთ, რომ მიხეილ სააკაშვილი არის ძალიან სუსტად. ასევე, არამხოლოდ ადვოკატები, არამედ ექსპერტები, როგორც სახალხო დამცველის ეგიდით შექმნილი ექსპერტთა ჯგუფის ეგიდით შექმნილი ჯგუფის, ასევე თავად ხელისუფლების მიერ შექმნილი კონსილიუმის წევრები მიუთითებდნენ, რომ ნებისმიერ დროს შეიძლება დამდგარიყო მიხეილ სააკაშვილის ჯანმრთელობის მდგომარეობის ისეთი გაუარესება, როდესაც სამედიცინო ჩარევასაც კი არ ექნებოდა აზრი და შეიძლება ეფექტურიც კი ვერ აღმოჩნდეს...
ამის ფონზე ჩვენ ვისმენდით ხელისუფლების მხრიდან უკიდურესად ცინიკურ კომენტარებს, დამცინავ კომენტარებს რომ მათ არაფერი აქვთ საერთო ადამიანობასთან... ეს არის ღვარძლი და ბოროტება... ამ პირობებში მათი ქმედებები მიუთითებს იმაზე, რომ მათ აქვთ რეალურად მიხეილ სააკაშვილის მოკვლის განზრახვა. არ ვიცი რამდენად მოეგებიან გონს და რა გადაწყვეტილებას მიიღებენ, - ამბობს დიტო საძაგლიშვილი.
მიხეილ სააკაშვილის ჯანმრთელობის მდგომარეობის დამძიმებაზე მისმა ადვოკატმა ბექა ბასილაიამ ისაუბრა. თქვა, რომ მიხეილ სააკაშვილი ადვოკატების ოთახის დატოვების შემდეგ, „მოწყვეტით დაეცა“ და გონება დაკარგა.
მოგვიანებით, გლდანის ციხის დატოვების შემდეგ მიხეილ სააკაშვილის ადვოკატმა ნიკა გვარამიამ თქვა, რომ ამჟამად მესამე პრეზიდენტი კონტაქტურია და რეანიმაციულ განყოფილებაში იმყოფება.
