ბრიტანეთის პრემიერმინისტრი აცხადებს, რომ თუ რუსეთი უკრაინაში შეიჭრება, ბრიტანეთი მზადაა, NATO-ს მოკავშირეების დასაცავად, ჯარები ევროპაში განათავსოს.
ბორის ჯონსონი ამბობს, რომ ბრიტანეთი მოკავშირეებთან ერთად, რუსეთს სწრაფად, მკაცრი ეკონომიკური სანქციებით უპასუხებს.
შეგახსენებთ, უკრაინის საზღვრებთან რუსეთს არმია ჰყავს მობილიზებული. ის ითხოვს, აღმოსავლეთით ნატოს გაფართოების შეჩერებას.
ამ დროისათვის არსებული ბოლო ინფორმაციით, უკრაინაში ჩავიდა ამერიკული სამხედრო დახმარების მესამე ნაწილი.
