"რა გვესმის დღეს? ეს არ არის მხოლოდ რაკეტების აფეთქებები, ბრძოლები, თვითმფრინავების ღრიალი. ეს არის ახალი რკინის ფარდის ხმა, რომელიც ჩამოაგდებს და ხურავს რუსეთს ცივილიზებული სამყაროსგან" უკრაინის პრეზიდენტის, ვოლოდიმირ ზელენსკის მორიგი მიმართვა. განცხადება ზელენსკიმ ცოტა ხნის წინ გააკეთა და ქვეყანაში არსებულ ვითარებაზე, უკრაინული სამხედროების მოქმედებასა და რუსულ აგრესიაზე ისაუბრა:
"უკრაინის არმიამ, ჩვენმა მესაზღვრეებმა, პოლიციამ და სპეცსამსახურებმა შეაჩერეს მტრის შეტევები. კონფლიქტის ენაზე ამას შეიძლება ეწოდოს ოპერატიული პაუზა.
დონბასში ჩვენი შეიარაღებული ძალები მშვენივრად მუშაობენ, ხარკოვის მიმართულება ძალიან რთულია, ქალაქის თავდაცვის ძალები მუშაობენ, ისინი საიმედონი არიან, ისინი ჩვენი ბიჭები არიან. დღეს ყველაზე პრობლემური მდგომარეობა სამხრეთშია. ჩვენი ჯარები აწარმოებენ სასტიკ ბრძოლებს ხერსონის გარეუბანში. მტერი უბიძგებს ოკუპირებული ყირიმიდან, ცდილობს წინსვლას მელიტოპოლისკენ.
ქვეყნის ჩრდილოეთით მტერი ნელ-ნელა მიიწევს წინ ჩერნიგოვის რაიონში... საიმედო თავდაცვა აშენებულია ჟიტომირის რეგიონში. გოსტომელში მტრის დესანტი დაბლოკილია, ჯარებს ბრძანება ეძლევათ განადგურება.
დიახ, ჩვენ, სამწუხაროდ, გვაქვს დანაკარგები, ჩვენი გმირების დანაკარგები.
დიახ, ტყვედ ჩავარდნილია რუსი ჯარისკაცები. ზოგიერთ მათგანს - ჩაბარებულებს ჩვენი ექიმები ეხმარებიან. განადგურდა მრავალი რუსული თვითმფრინავი და მრავალი ჯავშანმანქანა." ამბობს ზელენსკი.
ის რუსეთის მოსახლეობასაც მიმართავს:
დიახ, ჩვენ ვხედავთ, რომ ბევრი რუსი შოკირებულია იმით, რაც ხდება. ზოგიერთი რუსი უკვე მოუწოდებს სოციალურ ქსელებში, რომ ისინი ომის წინააღმდეგია. ჩვენ ვხედავთ. მაგრამ რუსეთის ფედერაციის ხელმძღვანელობა ამას ნაკლებად ითვალისწინებს.
გთხოვთ. თუ გვისმენთ და გესმით, რომ დამოუკიდებელ ქვეყანას თელავთ, გთხოვთ, გამოდით მოედანზე, მიმართეთ თქვენი ქვეყნის პრეზიდენტს.
ჩვენ უკრაინელები ვართ. ჩვენ ჩვენს მიწაზე ვართ. თქვენ რუსები ხართ. ახლა თქვენმა სამხედროებმა დაიწყეს ომი ჩვენს ჩვენს ქვეყანაში...
ვისურვებდი, რომ გამოხვიდეთ წითელ მოედანზე, გამოხატოთ თქვენი დამოკიდებულება თქვენი დედაქალაქის, ან პეტერბურგის ქუჩებში, არა მხოლოდ ინსტაგრამზე. ჩვენთვის ეს ძალიან მნიშვნელოვანია" ამბობს ზელენსკი
რას ვხედავთ ამ საათში? მსოფლიო საზოგადოებისთვის რუსეთი ხდება ეგრეთ წოდებული "DPR"-ის ანალოგი - ეს არის სრული იზოლაცია" ამბობს ზელენსკი.
უკრაინის პრეზიდენტის თქმით, მუდმივ კონტაქტზეა პარტნიორებთან და საერთაშორისო ორგანიზაციების ლიდერებთან. მან მსოფლიოს კიდევ ერთხელ მიმართა:
"თუ თქვენ, ძვირფასო ევროპელო ლიდერებო, ძვირფასო მსოფლიო ლიდერებო, თავისუფალი სამყაროს ლიდერებო, დღეს არ დაგვეხმარებით, ხვალ ომი თქვენს კარზე დააკაკუნებს" - ამბობს ზელენსკი.
