"ჰოსტომელის" აეროპორტი ჩვენი ჯარების კონტროლის ქვეშაა" - ამის შესახებ ინფორმაციას უკრაინის რადა ავრცელებს.
ცოტა ხნის წინ, ამავე შინაარსის პოსტი გამოაქვეყნა უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა Facebook-ზე.
"ახლა მათ ნამდვილად დაამარცხეს იგი. „ჰოსტომელის“ აეროპორტი ჩვენია. რუსული დესანტი განადგურდა", - წერს ალექსეი არესტოვიჩი.
ცნობისთვის, 24 თებერვალს უკრაინულ მედიაში გავრცელდა ინფორმაცია, რომ ოკუპანტებმა აეროპორტი „ჰოსტომელი“ დაიკავეს.
