მარიუპოლსა და ვოლნოვახაში ჰუმანიტარული დერეფნები გაიხსნება | რუსეთმა "სიჩუმის რეჟიმი" გამოაცხადა
გამოქვეყნდა:
ჩვენთან ერთად მოიპოვეთ თავისუფლება!
რუსეთის თავდაცვის სამინისტრომ მოსკოვის დროით დილის 10 საათიდან უკრაინაში "სიჩუმის რეჟიმი" გამოაცხადა - ამის შესახებ ინფორმაციას BBC-ის რუსული ბიურო ავრცელებს.
თავდაცვის სამინისტროში აცხადებენ, რომ უკრაინელებთან შეთანხმებით, ჰუმანიტარული დერეფნები გაიხსნება ქვეყნის სამხრეთ-აღმოსავლეთით ალყაშემორტყმულ ქალაქებში - მარიუპოლსა და ვოლნოვახაში.
მარიუპოლის მერი, ვადიმ ბოიჩენკო ამბობს, რომ ჰუმანიტარული დერეფანი საშუალებას იძლევა, ქალაქი უზრუნველყონ საკვებითა და მედიკამენტებით.
"ეს საშუალებას მოგვცემს, დაიწყოს კრიტიკული ინფრასტრუქტურის აღდგენა - ელექტროენერგია, წყალი და მობილური კომუნიკაციები. ასევე, შესაძლებელი იქნება მარიუპოლის უზრუნველყოფა აუცილებელი საკვებითა და მედიკამენტებით", - განაცხადა მერმა.
