ამერიკის თავდაცვის სამინისტროს წარმომადგენლის ინფორმაციით, უკრაინაში შეჭრის დღიდან, რუსეთმა უკრაინის მიმართულებით 625-ზე მეტი რაკეტა ისროლა.
პენტაგონის მაღალჩინოსანმა ასევე თქვა, რომ რუსეთის ჯარის თითქმის 100%, რომელიც უკრაინის საზღვართან იყო მობილიზებული, უკვე უკრაინაშია. მათივე ცნობით, ორი მთავარი რუსული კოლონა უკრაინის დიდი ქალაქების ხარკოვისა და კიევის გარეთ არის გაჩერებული.
