საჰაერო თავდასხმის შედეგად სუმში 22 ადამიანი დაიღუპა, მათ შორის 3 ბავშვი
გამოქვეყნდა:
უკრაინის ქალაქ სუმში საჰაერო თავდასხმის შედეგად 22 ადამიანი დაიღუპა, მათ შორის 3 ბავშვია. რუსეთმა საცხოვრებელი უბანი ქალაქის ჩრდილო-აღმოსავლეთით, ღამით დაბომბა.
სუმის რეგიონის გუბერნატორი, დმიტრო ჟივიცკი მომხდარს "მასობრივ მკვლელობას" უწოდებს.
მისი თქმით, ერთ სახლში 9 ადამიანი დაიღუპა, 6 კორპუსი მთლიანად დაინგრა, 20-მდე კი ნაწილობრივ.
სუმიდან დაახლოებით 5 000 ადამიანის ევაკუაცია მოხდა, მას შემდეგ, რაც რუსეთი დათანხმდა დროებით შეწყვიტოს ცეცხლი. პროცესი დღეს დილითაც გაგრძელდება.
