გერმანიის კანცლერის, ოლაფ შოლცის, საფრანგეთის პრეზიდენტის, ემანუელ მაკრონისა და რუსეთის პრეზიდენტის, ვლადიმერ პუტინის სატელეფონო საუბრის შესახებ უფრო მეტ დეტალს საფრანგეთის პრეზიდენტის ადმინისტრაცია ავრცელებს.
ნახეთ მოკლედ, რა წერია მაკრონის ადმინისტრაციის განცხადებაში 3 პრეზიდენტის სატელეფონო საუბარზე:
- საუბარი თითქმის 90 წუთს გაგრძელდა, საფრანგეთის პრეზიდენტის ადმინისტრაცია მას მძიმე დისკუსიად აფასებს.
- მაკრონმა და შოლცმა პუტინს ცეცხლის შეწყვეტისა და საომარი მოქმედებებისკენ მოუწოდეს, სანამ მომდევნო ნაბიჯებზე სტრუქტურული დისკუსია დაიწყება.
- მაკრონის ოფისის თანახმად, პუტინს არ გამოუჩენია არანაირი სურვილი უკრაინაში ომის დასასრულებლად.
განცხადებაში ასევე საუბარია რა შეიძლება მოხდეს შემდგომ:
- უახლოეს დღეებში ბრიუსელში ევროკავშირის წევრი ქვეყნები ახალ სანქციებს განიხილავენ.
- სანქციებში გათვალისწინებული იქნება ომის ბოლო მოვლენები, მათ შორის რუსი სამხედროების მხრიდან მარიუპოლის ალყაში მოქცევა.
- ამ "ირანული სტილის" ისტორიული სანქციების მიზანია, რომ პრეზიდენტი პუტინი კუთხეში მოაქციოს და განარიდოს ის საერთაშორისო საზოგადოებისგან.
