უკრაინის ავანტიურა ჩავარადა, პუტინი თავისუფალ სამყაროსთან ომს აგებს. ახლა საკითხვი ისაა, როდის დასრულდება ომი და რა ფასის გადახდა მოუწევთ ურკაინელებს თავისუფლებაში. რაც არ უნდა უცნაურად ჟღერდეს, ახლა აგრესორი თავადაა ყველაზე დიდი საფრთხის წინაშე, ყოფნა არ ყოფნის წინაშე. ომმა ფარდა ახადა იმას, რომ რასაც პუტინის პროპაგანდისტული მედია ატომურ ზესახელწმმიფოდ წარმოაჩენდა, სინამდვილეში მხოლოდ ჟანგიანი ტანკია, ისიც გარდასული საუკინიდან, ამ სიტყვის პირდაპირი მნიშვნელობით და თანაც ტალახში ჩაფლული.
მძიმე სანქიცების გამო, მისი გარემოცვა მილიარდებს კარგავს. და იძენს სერიოზულ შანსს ჰააგის ტრიბუნალის სკამზე აღმჩნდეს პრეზიდენტის გვერდით. იახტების, ევროპული ვილებისა და მილიარდების დათმობა არავის უნდა. დღეს პუტინი თავადაა სამიზნეც და სასურველი საკბილოც. მისი გაქრობა უამრავ მილიარდს ჩამოწერს შავი სალაროდან, ვიღაცებს კი აღზევების გზას გაუხნის.
ღიად რუსეთში ამაზე არავინ საუბრობს, ისევე როგორც ღიად ვერავინ ახსენებს სიტყვა ომს, თუმცა გულის სიღრმეში ყველა დარწმუნებულია, რომ თანამედროვე ცარის დღეები დათვლილია.
