ევროკავშირმა რუსეთის წინააღმდეგ დაწესებული სანქციების მეოთხე პაკეტი დაამტკიცა. გადაწყვეტილება ევროკავშირის მუდმივი წარმომადგენელთა კომიტეტმა მიიღო.
განცხადებაში ნათქვამია, რომ პერსონალური სანქციები დაუწესდება იმ პირებსა და მათ ოჯახის წევრებს, რომლებიც კავშირში არიან უკრაინის წინააღმდეგ სამხედრო აგრესიაში. სანქციები ასევე შეეხება რუსული ეკონომიკის გარკვეულ სექტორებს.
სანქციები ამოქმედდება მას შემდეგ, რაც ევროკავშირის ოფიციალურ დოკუმენტში აისახება.
