მოსახლეობის 61%-ს მიაჩნია, რომ საქართველოს მთავრობამ უკრაინას უფრო მეტად უნდა დაუჭიროს მხარი - კვლევა არასამთავრობო ორგანიზაცია CRRC -მ ჩაატარა.
31%-ის აზრით, მთავრობა უკრაინას საკმარისად უჭერს მხარს, 2% კი ამბობს, რომ კიდევ უფრო ნაკლებად უნდა დაუჭიროს მხარი.
"CRRC საქართველოს" კვლევა მოსახლეობის სატელეფონო გამოკითხვით ჩატარდა ნომრების შემთხვევითი გენერირების გზით. მასში მონაწილეობა 18-დან 90 წლამდე ასაკის 1 092 რესპონდენტმა მიიღო. გამოკითხვის ცდომილება 2,96%-ია.
გამოკითხვა ჩატარდა 2022 წლის 7-დან 10 მარტამდე პერიოდში.
