კრემლის არგაღიზიანების კიდევ ერთი მაჩვენებელი - პრემიერმინისტრი ღარიბაშვილი არ აპირებს კიევში ჩასვლას და უკრაინის საჯარო მხარდაჭერას. ომის დასაწყისში, მთავრობის მეთაური დახურულ საჰაერო სივრცეს იმიზეზებდა, ახლა კი უბრალოდ კომენტარსაც არ აკეთებს.
ღარიბაშვილი პოზიციის გამართლებას მხოლოდ მმართველი პარტიის წევრები ცდილობენ - თუმცა უარგუმენტოდ და მხოლოდ რიტორიკით. ამ გადაწყვეტილებით საქართველოს მთავრობა კიდევ ერთხელ ადასტურებს, რომ მაქსიმალურად ცდილობს არ დააზიანოს რუსეთის ინტერესები და არ აფიქსირებს საჯაროდ თავის დასავლურ მისწარაფებებს სწორედ ცივილიზებული ქვეყნების ბანაკში ყოფნით.