უსასტიკესი ომის დანაშაული და ფაქტები, რომლებიც კრემლის არაადამიანურ და სისხლიან ქმედებებს ადასტურებს. უკრაინის საგამოძიებო უწყებები, თავდასხმის პირველივე დღიდან აღწერენ რუსი სამხედროების დანაშაულების დამადასტურებელ ფაქტებს და ეს მონაცემები გამაოგნებელია.
130-მდე მოკლული ბავშვი, 400-მდე დაბომბილი ბაღი და სკოლა, ძარცვა და ადამიანების გატაცებები. რუსების მიერ ჩადენილი დანაშაულის რაოდენობა 2 500-ს გასცდა. ამ მასალებს უკრაინული გამოძიება საერთაშორისო ტრიბუნალს გადასცემს, რომლის მიზანი კრემლის მიერ კაცობრიობის წინაშე ჩადენილი დანაშაულის დადგენა და დამნაშავეების დასჯა იქნება.
