დონეცკის რეგიონული სამხედრო ადმინისტრაციის ხელმძღვანელის ინფორმაციით, უკრაინაში კრამატორსკის მატარებლის სადგურზე რუსული სარაკეტო თავდასხმის შედეგად დაღუპულთა რიცხვი 57-მდე გაიზარდა.
"10 აპრილის მონაცემებით, დაღუპულია 57 ადამიანი, დაშავებულია 109. მსუბუქად დაშავებულები სახლში გადაიყვანეს, მძიმედ დაშავებულები კი უსაფრთხო რეგიონში გადაჰყავთ და მათ საჭირო დახმარებას უწევენ",-თქვა პავლო კირილენკომ.
ცნობისთვის, კრამატორსკში სადგური მაშინ დაბომბეს, როდესაც ათასობით ადამიანი ევაკუაციის მატარებელს ელოდა. დაღუპულთა შორის არიან ბავშვებიც.
