ქალაქ კრემინაში, რუსებმა მანქანაში მშვიდობიანი მოქალაქეები ჩაცხრილეს
გამოქვეყნდა:
ლუგანსკის ოლქის ხელმძღვანელის, სერგეი გაიდაის წინასწარი ინფორმაციით, 4 მშვიდობიანი მოქალაქე დაიღუპა და 1 დაშავდა, როდესაც ისინი ქალაქ კრემინადან გაქცევას ცდილობდნენ.
მისი თქმით, რუსმა სამხედროებმა ცეცხლი გაუხსნეს სამოქალაქო პირებს, რომლებიც მანქანით დამოუკიდებლად ცდილობდნენ ტერიტორიის დატოვებას.
დღეს უკრაინაში ჰუმანიტარული დერეფნები არ გაიხსნება. გაიდაიმ მოსახლეობა გააფრთხილა - "არ გამოხვიდეთ სამალავიდან. ნუ ცდილობთ დამოუკიდებლად დატოვოთ კრემინა! ეს საშიშია!"
მისი თქმით, რუსებმა ქალაქზე "კონტროლი აიღეს" და ბრძოლა გრძელდება. გაიდაი ამბობს, რომ ახლა ქალაქიდან ევაკუაცია შეუძლებელია.
