რუსეთის პრეზიდენტის, ვლადიმერ პუტინის თქმით, რუსეთი აღმოსავლეთ უკრაინაში დონბასის რეგიონში, თავის სამხედრო მიზნებს მიაღწევს, რაც მისი თქმით, ხალხს შესაძლებლობას მისცემს, რომ ნორმალურ ცხოვრებას დაუბრუნდნენ.
კრემლში გამართულ შეხვედრაზე პუტინი ამტკიცებდა, რომ მოსკოვი იძულებული გახდა უკრაინაში "სამხედრო ოპერაცია" დაეწყო, დონბასის რეგიონში "ტრაგედიების" გამო.
"ჩვენ ვიმოქმედებთ თანმიმდევრულად და დავრწმუნდებით რომ იქ ცხოვრება თანდათან ნორმალური გახდება, უკეთესობისკენ შეიცვლება, ისევე როგორც ეს სევასტოპოლში მოხდა",-თქვა პუტინმა.
