რუსეთის ფედერალური უსაფრთხოების სამსახური (ФСБ) ამბობს, რომ დააკავეს 2 რუსი, რომლებიც ბელგოროდის ოლქში სატრანსპორტო ინფრასტრუქტურაზე დივერსიის მოწყობას გეგმავდნენ.
ФСБ ამტკიცებს, რომ ისინი "უკრაინელი ნეონაცისტების მხარდამჭერები" არიან და რუსი სამხედროების შესახებ მონაცემებს უკრაინულ ვებსაიტზე Миротворец-ზე გზავნიდნენ.
"ბელგოროდის ფედერალურმა უშიშროების სამსახურმა ბელგოროდის რეგიონის ერთ-ერთ სატრანსპორტო ინფრასტრუქტურულ ობიექტზე დივერსიის ჩასატარებლად მომზადებისას დააკავა რუსეთის ორი მოქალაქე, რომლებიც უკრაინული ნაციზმის მომხრეები არიან", - ამბებნ ФСБ-ში.
უწყების ცნობით, ეჭვმიტანილები გეგმავდნენ რკინიგზის ლიანდაგის დაზიანებას, რომლითაც სამხედრო ეშელონები მოძრაობენ: "ეჭვმიტანილები დანაშაულს აღიარებენ. მათ 10-დან 15 წლამდე თავისუფლების აღკვეთა ემუქრებათ".
ცნობისთვის, ბელგოროდის ოლქში დღესაც ხანძარი იყო. სავარაუდოდ, დაიწვა საბრძოლო მასალის საცავი.
